বুলনি

 এথোপা ফুল হৈ ফুলে

সময়ৰ ফুলনি


দি যায় একাঁজলি উম
ৰ'দ হৈ বাগৰি

গান হৈ দিব যেন
হেপাহৰ কলি

সামৰি থব খোজোঁ
অনন্ত সময়ৰ বুলনি

বৰ্ণালী

ডাক দিয়া চৰাইৰ মাতত

সাৰ পাই পুৱতি

কূজনৰ হাত ধৰি
আহে পোহৰ জেউতি

সুদীৰ্ঘ ৰাতিৰ এন্ধাৰ
ডেউকাত বান্ধি

উৰে পখী
পোহৰ অভিমুখী !

এথোপা ফুলে যাঁচে

প্ৰীতিৰ সমল

 উপহাৰ দিয়ে বাগিছাই

সৌন্দৰ্য্য অমল

যামিনীৰ বৰিষণাত 

দোঁ খাই পাপৰি

পাহিয়ে লয় অতি 

উচাহেৰে আদৰি

 টলমল হৈ টোপাল 

দুলি থাকে প্ৰতিপল

তথাপিওচোন থাকে তাত

উচাহৰ সমদল 

তল-সৰাৰ

জিনি ভীতি

শ্ৰোতস্বিনী হৈ জীৱন

বৈ থাকে অবিচল!

 

কেতিয়াবা ছাগে

আপুনিও এখন্তেক ৰয়

বাটৰ কাষত ফুলা ফুলে

চাক্ষুষ ভৰাই তুলিলে

কেতিয়াবা ছাগে

আপুনিও এখন্তেক ৰয়

ৰ'দ আৰু মেঘৰ

 ধেমালি চাবলে 

আহিনৰ সেউজ পথাৰখন 

বতাহত হালি-জালি নাচিলে

আঘোণৰ সোণোৱালী ঠোকবোৰে 

আপোনাক হাতবাউল দিলে 

 পানী পৰা শুকান মাটিৰ সুঘ্ৰাণ 

নাসিকাৰে টানি লবলৈ 

নতু বৰষুণ এজাকক 

দুহাত মেলি সাবটিবলৈ

 

খালি ভৰিৰে খোজ দিবলৈ

বননিৰ দলিচাত

  মন ভৰি উঠেনে 

 নিজৰাৰ কুলু-কুলু শব্দত 

সাগৰৰ ঢৌৰ গৰ্জন 

লহৰৰ উঠা আৰু নমা 

খোজে পতি বালিচৰৰত 

 ভৰিৰ পতা ধুৱাই দিয়া

পাতৰ মাজেৰে সৰকি অহা 

জোন চাই মাতাল হয়নে?

এগাওঁ এন্ধাৰ নেউচি টিপটিপাই থকা 

জোনাকীজাকৰ সতে খোঁজ লয়নে?

কেতেকীৰ সুবাসৰ সতে বতাহজাকে  

কঢ়িয়াই আনিলে কুলিটিৰ মাত

আপুনিও ভাল পায়নে

পখীৰ কূজনৰ ডাক?

খন্তেক ৰৈ আপুনিও

 মগন হয়নে তাত !

06/07/23

প্ৰিয় ফুল

 কেতিয়াই কলো দেখোন তোমাক

 
প্ৰিয় ফুল  মোৰ গোলাপ 


..
ক্ণ্টকাৰ্কীণ   হৈয়ো যি বিলাব পাৰে সৌৰভ



হাঁহি  মুখে সহিব পাৰে ঘাত প্ৰতিঘাত...

পিষ্ট হোৱা হাত দুখনিতো থাকি যায়




 যাৰ সুবাস...!!!

 

কৃতজ্ঞতাৰ চিঠি

(Letter of gratitude)

 

কৃতজ্ঞ মই

বাগিচা উপচি থাকে

নানা ৰঙী ফুলেৰে

সুবাসেৰে মন ভৰাব পৰাকৈ

 

কৃতজ্ঞ মই

প্ৰতিতো ঋতুতে প্ৰকৃতি

ৰাঙলী হয়,

সকলো সম্ভাৰলৈ,

সুখ আৰু দুখৰ মাজতো

স্থিতপ্ৰজ্ঞ হৈ,

 

কৃতজ্ঞ মই

পোৱা নোপোৱাৰে

উপচি থাকে দূকুল,

বতাহত বিয়পে ধূপৰ গোন্ধ

দূহাত জুৰিব পৰাকৈ,

 

 

 

কৃতজ্ঞ মই

তুলিকা দিলা

মন গলেই ছবি আঁকিব পৰাকৈ

সমন্বয়ৰ চিত্ৰপটত

আনৰ সুখ আৰু দুখত

বিলীন হʼব পৰাকৈ

 

কৃতজ্ঞ মই

দুহাত ভৰাই দিলা

অপূৰ্ণতাৰ অৱকাশ নথকাকৈ।

Attachments area

ৰূপালী পানেচৈ

 

নীলিম আকাশত জিলিকি উঠক

অনুভৱী আশাৰ

ৰূপালী পানেচৈ,
তৰাফুল জিলিকা সোণালী  পানীৰে বৈ
জিকমিক বালিচন্দাৰ উজলা কণাটি লৈ,
চিকমিক বালিৰে মোহিনী হাঁহিটি সামৰি
দিবহি কঁঁহুৱাৰ   আলফুল বতৰা লাহৰি!