বধ্যভূমি

উশাহ  নুঘূৰোৱাকৈয়ে  সুধিব  পাৰি
  দুটা  শাণিত শব্দৰ প্ৰশ্ন
শত্ৰু  কোন  মিত্ৰ  কোন
আজিযে  সকলো  অভিন্ন
মোৰ  বুকুৰ  জুইয়ে  দহিছে  তোমাৰো  কোলা
তোমাৰ শক্তিশেলে  কঁপাইছে  মোৰেনো  বৰঘৰৰ দোলা,
বতাহত  উৰিছে  অশান্ত  আশঙ্কাৰ  বা
থৰ-থৰকৈ  কঁপিছে নিদিয়ে দুচকুত ছাঁ,
হয়তো  নহা  হলেই  ভাল  আছিল 
এমুঠ  দীঘল  এহালিছা  সময়
জাপি কুছি  ৰাখিবানো   ক’ত
 বৰপেৰাৰ  বৰজাপত  বিপন্ন  নিৰাময়
 নুসুমোৱাই  ভাল  জলন্ত  বাস্তৱৰ  আস্তান
ভাঙি ছিগি  উৱলি যোৱা  সময়ৰ দাস্তান
  যদি  ৰাখিবই  খুজিছা  ধৰি

  জুয়ে  দহা  বিবৰ্ণ  ইতিহাস
 শঙ্খত  দিয়া   তাণ্ডব  ফূ  ৰ  তান
বাজি  উঠক  আজি  মানবতাৰ  জয়গান